تلہ گنگ (نامہ نگار)تھانہ ٹمن کے علاقہ موضع ڈھوک ٹاہلی میں دو افراد کو قتل کر دیا گیا اس واقعہ میں چار افراد زخمی ہو گئے قتل اور اقدام قتل کی یہ واردات  فریقین مین سابقہ رنجش کی بنا پر ہوئی ہے فائرنگ کے نتیجہ میں ملک حماد خان ولد ملک امیر خان  اور فیروز خان ولد شاہنواز خان شدید زخمی ہونے کے بعد جاں بحق ہو گئے ۔ دو مرد دو خواتین زخمیوں کو ٹی ایچ کیو ہسپتال تلہ گنگ منتقل کر دیا گیا  ڈی ایس پی تلہ گنگ سید نصیر احمد شاہ ایس ایچ او تھانہ ٹمن چوہدری لیاقت حسین سب انسپکٹر ملک محمد علی ملک نذر حسین سب انسپکٹر بھاری نفری کے ہمراہ جائے وقوعہ ڈھوک ٹاہلی پہنچ گئے۔ واردات کی اطلاع ملنے پر ڈی پی چکوال کیپٹن(ر)واحد محمود بھی ڈھوک ٹاہلی پہنچ گئے جن کی ہدایت پر علاقہ کی ناکہ بندی کرا دی اور ڈی ایس پی سید نصیر احمد شاہ کی زیر نگرانی ملزمان کی گرفتاری کے ٹیمیں تشکیل دے دی گئیں مختلف جگہوں پر چاپے مارے جا رہے ہیں راولپنڈی سے کرائمز سین یونٹ کو بھی بلوا لیا گیا ۔