لاہور(نمائندہ سپورٹس)پاکستان اور سری لنکا کی اے کرکٹ ٹیموں کے درمیان پہلا غیرسرکاری ٹیسٹ میچ ڈرا ہو گیا، میچ کے چوتھے اور آخری روز بارش کے باعث ایک بھی گیند کا کھیل ممکن نہ ہو سکا۔ تیسرے روز کھیل کے اختتام تک سری لنکا اے نے 5 وکٹوں پر 313 رنز بنا لئے تھے، کوسل پریرا 119 اور گونارتنے 64 رنز کے ساتھ وکٹ پر موجود تھے۔ میرحمزہ نے 3 اور ضیاءالحق نے 2 کھلاڑیوں کو آﺅٹ کیا۔ واضح رہے کہ پاکستانی ٹیم اپنی پہلی اننگز میں 401 رنز بنا کر آﺅٹ ہو گئی تھی۔