فیروزوالا‘ ڈکیتی مزاحمت‘ ڈاکو اپنے ساتھی کی فائرنگ سے قتل‘ لاہور میں شہری زخمی

لاہور+فیروزوالا+شیخوپورہ(نامہ نگاران+ نمائندہ خصوصی) صوبائی دارالحکومت کے مختلف علاقوں میں ڈاکوئوںاور چوروںنے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات،موبائل فون، گاڑیاں ، موٹر سائیکلیں اور دیگر سامان لوٹ لیا جبکہ مزاحت کرنے پر فائرنگ کر کے ایک شہرکوزخمی کر دیا ہے ۔ اچھرہ میںتاجر سے واردات پر تاجروں نے شدید احتجاج کیا ہے ۔ تفصیلات کے مطابق لٹن روڈ کے علاقہ سعدی پارک میں دوڈاکوئوں نے رزاق سے12ہزارروپے نقدی اور موبائل فون لوٹنے کے بعد مزاحمت کرنے پر اسے گولی مارکر زخمی کر دیا ہے ۔ شمالی چھائونی امتیاز شہید روڈ کے رہائشی اسد کے گھر میں اس کی نوکرانیوں نے اپنے ساتھیوں کے ہمراہ اہلخانہ کو نشہ آور شے کھلا کر بیہوش کرکے رسیوں سے باندھنے کے بعد ایک کمرے میں بند کر کے 42لاکھ روپے مالیت کی نقدی، زیورات ودیگر سامان لوٹ کر فرار ہو گئے ہیں۔ اچھرہ کے علاقہ میں موٹر سائیکل سوار دو ڈاکوؤں نے بنک سے رقم نکلوا کرباہر نکلنے والے الیکٹرونکس کی دکان چلانے والے تاجر محمد طارق سے 8لاکھ روپے رقم لوٹ لی اور فرار ہو گئے ہیں ۔اس واقعہ پر تاجر سراپا احتجاج بن گئے اور انہوں دوکانیں بند کر کے نے اچھرہ چوک بابااعظم پر شدید احتجاج کیا اور ٹائر جلا کرسڑک بلاک کر دی۔مظاہرین نے پولیس کے خلاف نعرے بازی کی اور کہا کہ علاقہ میں آئے روز وارداتیںمعمول بن گئی ہیں۔مظاہرے سے وہاںٹریفک بلاک ہو گئی ۔جس سے شہریوں کو شدید مشکلا ت کا سامناکرنا پڑا ہے ۔ڈاکوؤں نے منا واں کے علا قہ میںمحمو د کے گھر گھس کر اہلخانہ کو گن پوائنٹ پر یرغمال بنا کر7لا کھ روپے مالیت ،گلشن اقبا ل کے علا قہ میںفا روق کے گھر سے5لا کھ روپے مالیت ،جو ہر ٹا ئو ن میں مقصو د کے گھر سے4لا کھ روپے مالیت،ڈیفنس سی کے علا قہ میںکا شف کے گھر سے 3لاکھ روپے مالیت کی نقد ی، طلا ئی زیو رات،موبائل فون اور دیگر سامان ، شما لی چھا ئو نی میںخر م کی فیملی کو یر غما ل بنا کر2لا کھ 10ہز ارروپے مالیت کی نقدی،طلائی زیوارت اور مو با ئل فو ن ،شاہدرہ میں حسن رضا سے 7oہزارروپے،ٹائون شپ میں آصف اور اس کی فیملی سے 45ہزارروپے اور موبائل فون لوٹ لیا ہے ۔چوروںنے جوہرٹائون میں بلال کے گھر سے 36لاکھ روپے مالیت،ڈیفنس بی میں اکرم کے گھر سے 35لاکھ روپے مالیت،رائیونڈ میں شہزاد کے گھر سے 10لاکھ روپے مالیت کی نقدی و سامان ، سمن آباد میں سمیع اللہ کے موبائل ٹاور سے 8لاکھ روپے مالیت کی 24بیٹریاں چوری کر لی ہیں۔چوروں نے شفیق آ با د میںسے ند یم،ریس کو رس میںسے ذوالفقا رکی کاریں جبکہ ما ڈل ٹا ئو ن میں سے اعجا ز،شا د با غ میںسے بلا ل بٹ،ٹبی سٹی میںسے جمیل،اکبر ی گیٹ میںسے مقصو د،اسلا م پو رہ میںسے یو سف کی موٹرسائیکلیں چوری کر لی ہیں۔ فیض پور انٹرچینج کے قریب واقع آبادی الرحمان گارڈن میں ڈکیتی کی واردات مزاحمت پر ڈاکو کی فائرنگ سے گولی لگنے ساتھی ڈاکو ہلاک اور ایک ڈاکو فرار ہوگیا۔ بتایا گیا ہے کہ الرحمان گارڈن میں دو ڈاکوئوں نے ایک سٹور میں داخل ہوکر ڈکیتی کی واردات کرنے کی کوشش کی۔ دکاندار نے شور مچادیا اور مزاحمت کی جس پر ڈاکو نے فائرنگ کردی۔ دکاندار بچ گیا گولی ڈاکو کے ساتھی ڈاکو کو لگی جس کے نتیجہ میں وہ شدید زخمی ہوگیا جسے طبی امداد کے لیے ہسپتال لایا گیا جہاں پر وہ دم توڑ گیا۔ فیکٹری ایریا پولیس نے واقعہ کی رپورٹ درج کرلی۔ پولیس نے مفرور ڈکیت کی تلاش شروع کردی ہے۔