لاہور (خصوصی رپورٹر) وزیراعلیٰ شہبازشریف نے ٹھوکر نیازبیگ میں منصوبوں کا سنگ بنیاد رکھنے کے بعد ہلکے پھلکے انداز میں بھی میڈیا کے سوالات کے جواب دیئے۔ وزیراعلیٰ نے چوہدری نثار کے بارے میں میڈیا کی جانب سے پوچھے گئے سوال پرکہا کہ جب میری بات آتی ہے تو چوہدری نثار میری تعریف کے حوالے سے کنجوسی سے کام لیتے ہیں۔ چوہدری نثار پارٹی میں ایک مقام رکھتے ہیں اور سینئر ترین رہنما ہیں۔ میرے دوست بھی ہیں اور قابل احترام بھی۔ میری چوہدری نثار سے گزارش ہے کہ وہ جذبات میں نہ آیا کریں۔