اسلام آباد( نوائے وقت رپورٹ) سو ہان میں غیر مقامی تنظیم اطلس ویلفیئر فائونڈیشن کی جانب سے 125مستحق و غریب افراد میں راشن تقسیم کیا گیا جس میں لوگوں نے بڑھ چڑھ کر شرکت کی۔ پی ٹی آئی رہنماء مراد عباسی‘ جاوید عباسی‘ آفاق عباسی‘ وہاب خان‘عبد اللہ عباسی‘نعمان عباسی‘وقاص عباسی’ تسلیم خان‘سفیر و دیگر کے زیر اہتمام اطلس ویلفیئر فائونڈیشن کی چیئر پرسن زیتون بی بی اور انکی ٹیم نے مقامی نجی سکول اسلامیہ پبلک ہائی سکول میں 125 غریب و مستحق افراد میں راشن تقسیم کیا گیااس موقع پر پہلے سے منتخب غریب و مستحق افراد کو بلایا گیا اور انہیں کھانے پینے کی اشیاء دی گئیں۔ اس موقع پر غریب و مستحق افراد نے اطلس ویلفیئر فائونڈیشن کی سربراہ زیتون بی بی‘ پی ٹی آئی رہنماء مراد عباسی‘ جاوید عباسی‘ آفاق عباسی‘ وہاب خان کی کو ششوں کو خراج تحسین پیش کیا اور کہا کہ یونین کونسل سوہان میں اطلس ویلفیئر فائونڈیشن کی ٹیم و مراد عباسی اور انکے ساتھی بہت اچھا کام کر رہے ہیں انہوں نے پہلے بھی غریب لوگوں کا خیال رکھا اور آئندہ بھی یہ سلسلہ جاری رکھے ہوئے ہیں۔ مراد عباسی کا کہنا تھا کہ زیتون بی بی اور انکی ٹیم غریب عوام کی فلاح و خدمت چا ہتی ہیں۔ غریب و مستحق افراد کی خدمت میرا مشن ہے اور ان میں راشن و دوسری بنیادی اشیا کی تقسیم کا سلسلہ ہر جمعہ کو جا ری رہیگا۔