کراچی (وقائع نگار)شہر قائد میں ایکسپو سینٹر میں عام شہریوں کے لیے کرونا ویکسی نیشن اتوار سے جاری ہے تفصیلات کے مطابق صوبہ سندھ میں لاک ڈاؤن کے نفاذ کے ساتھ ویکسینیشن کے عمل میں بھی تیزی آ گئی ہے،محکمہ صحت سندھ کا کہنا ہے کہ ویکسی نیشن سینٹر میں 100 بوتھ بنائے گئے ہیں، سینٹر میں 30 ہزار افراد کی یومیہ ویکسی نیش کی جا سکے گی، اسی سینٹر میں سرکاری اداروں کے ملازمین کی ویکسی نیشن بھی کی جا رہی ہے،ڈائریکٹر نرسنگ اسکول کا کہنا ہے کہ ایکسپو سینٹر میں 400 تربیت یافتہ نرسنگ اسٹوڈنٹس تعینات ہیںدوسری طرف شہر کے نجی اسپتالوں میں بھی مفت ویکسین لگانے کا عمل شروع ہو رہا ہے، او ایم آئی اسپتال میں مفت ویکسین کی سہولت کا آغاز آج سے ہو جائئے گا،سندھ حکومت نے وضاحت کی ہے کہ کرونا ویکسی نیشن سینٹرز 13 سے 15 مئی تک بند رہیں گے۔