کولکتہ نائٹ رائیڈرز کے پیسرپراسدھ کرشنا کورونا کاشکار

بنگلور(یواین پی)کولکتہ نائٹ رائیڈرز کے فاسٹ باؤلر پراسدھ کرشنا کوویڈ 19 کا شکا رہو گئے۔وہ نائٹ رائیڈرز کے چوتھے کھلاڑی ہیں جن میں کورونا وائرس کی تصدیق ہوئی ہے، ان سے قبل ورن چکرورتی، سندیپ وارئیر اور نیوزی لینڈ کے ٹم سیفرٹ عالمی وبا کا شکار ہو چکے ہیں۔ میڈیا کی رپورٹس کے مطابق فاسٹ باؤلر کا جمعرات کے روز بنگلور میں کورونا ٹیسٹ لیا گیا جو مثبت آیا ہے۔25سالہ فاسٹ بائولر نے خود کو گھر پرآئسو لیٹ کرلیاہے۔