سینئر اداکارہ طلعت صدیقی طویل علالت کے بعد انتقال کر گئیں

لاہور (سپیشل رپورٹر) فلم ٹی وی کی سینئر اداکارہ طلعت صدیقی لاہور میں انتقال کر گئیں۔ 82 سالہ طلعت صدیقی کافی عرصے سے علیل تھیں۔ انہوں نے 30 سال قبل فلم انڈسٹری کو خیر باد  کہہ دیا تھا۔ طلعت صدیقی معروف اداکارہ عارفہ صدیقی کی والدہ اور معروف گلوکارہ خدیجہ پرویز کی خالہ تھیں۔ ان کی دوسری بیٹی ناہید صدیقی ایک نامور کتھک ڈانسر اور ضیا محی الدین کی بیوی ہیں۔ طلعت صدیقی کی تدفین کر دی گئی ہے۔ قبل ازیں نامور اداکارہ طلعت صدیقی کے انتقال کی خبرگلوکارہ  فریحہ  پرویز نے سوشل میڈیا پر شیئر کی۔ فریحہ نے اپنی پوسٹ میں لکھا کہ میری خالہ طلعت صدیقی صاحبہ خالق حقیقی سے جا ملیں۔ ماضی کی نامور اداکارہ نے کئی سپرہٹ فلموں میں صلاحیتوں کے جوہر دکھائے۔ سینئر اداکارہ کے انتقال  پر شوبز انڈسٹری  سے منسلک افراد نے گہرے دکھ کا اظہار کیا ہے۔