کائونٹی چیمپئن شپ، گلوسٹر شائر نے مڈل سیکس کو 7 وکٹوں سے ہرا دیا

لاہور(سپورٹس ڈیسک)انگلش کائونٹی چیمپئن شپ میں گلوسٹر شائر نے مڈل سیکس کو 7 وکٹوں سے ہرا دیا۔ لارڈز لندن میں کھیلے گئے چار روزہ میچ میں مڈل سیکس کی ٹیم اپنی دوسری اننگز میں 152 رنز پر ڈھیر ہو گئی۔ نک گوبنس 52 اور جان سمپسن 40 رنز کے ساتھ ٹاپ سکورر رہے۔ ڈیوڈ پین نے تباہ کن بائولنگ کی اور 6 کھلاڑیوں کو آئوٹ کیا ۔گلوسٹر شائر نے 90 رنز کا ہدف 3 وکٹوں کے نقصان پر حاصل کر لیا۔ ٹام لیس 31 رنز کے ساتھ نمایاں رہے۔ واضح رہے کہ گلوسٹر شائر نے مڈل سیکس کی پہلی اننگز 210 رنز کے جواب میں 273 رنز بنائے تھے۔