لاہور(سپورٹس ڈیسک)یوئیفا یورپیئن انڈر 21 چیمپئن شپ کا کوارٹر فائنل مرحلہ 31 مئی سے شروع ہو گا۔ دفاعی چیمپئن سپین، ہالینڈ، اٹلی اور جرمنی کی انڈر 21 ٹیموں نے کوارٹر فائنل کیلئے کوالیفائی کیا ہے۔ یوئیفا کے زیر اہتمام انڈر 21 چیمپئن شپ کے دلچسپ مقابلے ہنگری اور سلووینیا میں جاری ہیں۔ میگا ایونٹ کا پہلاکوارٹر فائنل 31 مئی کو دفاعی چیمپئن سپین اور کروشیا کے درمیان پیپلز گارڈن سٹیڈیم، مریبور میں کھیلا جائے گا۔ اسی روز دوسرے کوارٹر فائنل میں ہالینڈ اور فرانس کی ٹیمیں بوزک ارینا میں مدمقابل ہوں گی۔