لاہور(سپورٹس ڈیسک) اے ایف سی کپ کے گروپ میچز کا مرحلہ کرونا وائرس کی وجہ سے ملتوی کر دیا گیا ۔ دی ایشین فٹ بال کنفیڈریشن نے تصدیق کرتے ہوئے کہا کہ اے ایف سی گروپ ڈی میچزرواں سال 14سے 21مئی تک مالدیپ میںشیڈول تھے ۔ایونٹ میں شرکت کیلئے جو ٹیمیں مالدیپ پہنچ گئی تھیں اور قرنطینہ مکمل کررہی تھیں ان کی واپسی کیلئے انتظامات کررہے ہیں ۔ باقی ٹیموں سے کہا گیا ہے کہ وہ اپنی روانگی منسوخ کردیں ۔ نئے شیڈول کا اعلان بعد میں کیا جائے گا۔ مالدیپ نے گزشتہ روز جنوبی ایشیائی سات ممالک کے باشندوں کے داخلے پر پابندی عائد کر دی ہے ۔