معاون خصوصی اطلاعات پنجاب فردوس عاشق اعوان نے کہا ہے کہ گندم خریداری کا 80فیصد سے زائد ہدف حاصل کیا جاچکا، پنجاب میں باردانہ یا مقررہ نرخوں سے متعلق کوئی شکایت نہیں آئی، پیر کو سماجی رابطے کی ویب سائٹ پر ٹویٹ کرتے ہوئے انہوں نے کہا کہ کسان دوست پنجاب حکومت گندم خریداری کا عمل کامیابی سے جاری رکھے ہوئے ہے، بزدارحکومت گندم کی بروقت خریداری یقینی بناتے ہوئے جلد اپنا ہدف مکمل کرے گی، حکومت نے باردانہ کی فراہمی سے گندم کی خریداری تک بہترین انتظامات کئے، کسانوں کیلئے کئے گئے مثالی اقدامات بزدار حکومت کی کسان دوستی کا ثبوت ہے۔
حکومت نے باردانہ کی فراہمی سے گندم کی خریداری تک بہترین انتظامات کئے۔ پنجاب بھر سے باردانہ یا مقررہ نرخوں سے متعلق کسی قسم کی شکایت نہ آنا بزدارحکومت کی کسان دوستی کا ثبوت ہے۔ وافر مقدار میں گندم کی خریداری ناصرف پنجاب بلکہ ملک بھر کی غذائی ضروریات پوری کرنے میں معاون ثابت ہوگی۔
— Dr. Firdous Ashiq Awan (@Dr_FirdousPTI) May 10, 2021
