وزیراعلیٰ عثمان بزدارکی زمبابوے کے خلاف ٹیسٹ سیریز میں کلین سویپ پر قومی کرکٹ ٹیم او رڈبل سنچری پر عابد علی کو مبارکباد

 وزیراعلیٰ پنجاب سردار عثمان بزدارنے زمبابوے کے خلاف ٹیسٹ سیریز میں کلین سویپ پر قومی کرکٹ ٹیم کو مبارکباد دی ہے-وزیراعلیٰ نے کہاکہ پاکستانی کھلاڑیوں نے زمبابوے کو ان کے ہوم گراؤنڈ میں ٹیسٹ سیریز میں شکست دے کر قوم کو خوشیاں دی ہیں -کھلاڑیوں نے بہترین ٹیم ورک کا مظاہرہ کر کے فتح سمیٹی -میرا یقین ہے کہ ٹیم ورک کا نتیجہ ہمیشہ جیت کی صورت میں سامنے آتا ہے-وزیر اعلیٰ عثمان بزدار نے ڈبل سنچری کرنے پر بیٹسمین عابد علی کو بھی مبارکباددی اور شاندار بیٹنگ کی تعریف کی-انہوں نے کہا کہ عابد علی نے بہترین بیٹنگ کرکے قومی کرکٹ ٹیم کو فتح دلانے میں اہم کردار ادا کیا اورعابد علی نے اپنی بلے بازی کے ذریعے دیگر کھلاڑیوں کیلئے مثال قائم کی۔