اشتر اوصاف علی کواٹارنی جنرل  مقرر کرنے کانوٹیفیکشن جاری

اسلام آباد (نمائندہ خصوصی)اشتر اوصاف علی کو اٹارنی جنرل آف پاکستان مقرر کر دیا گیا ،وزارت قانون نے ان کی تعیناتی کا نوٹیفیکشن جاری کر دیا ہے ،اس سے قبل صدر ڈاکٹر عارف علوی نے اشتر اوصاف علی کی بطور اٹارنی جنرل پاکستان تعیناتی کی منظوری دے دی ۔ایوان صدر سے جاری بیان کے مطابق صدر مملکت نیاٹارنی جنرل کی تعیناتی آئین کے آرٹیکل 100 (1) کے تحت وزیر اعظم کے مشورے پر کی ۔ اٹارنی جنرل آف پاکستان کا عہدہ خالد جاوید خان کے ا ستعفی کے بعد خالی ہوا تھا۔