ملتان(خصوصی رپورٹر) پنجاب ایگزامینشن کمیشن کے زیر اہتمام امتحانات شروع ہوگئے ، تفصیل کے مطابق پیک کے زیراہتمام دوسری کلاس سے لیکر 8 ویںکلاس تک کے امتحانات شروع ہوگئے گزشتہ روز انگریزی اور سائنس کا پرچہ تھا امتحانات 20 مئی تک جاری رہیں گے قران کریم کی تعلیم کا پرچہ الگ سے ہوگا جو 50 نمبر کا ہوگا ، پرچوں کی مارکنگ روزانہ کی بنیاد پر ہوگی۔ نتائج کا اعلان 25 مئی کو کیا جائے گا۔ دریں اثناء سی ای او ایجوکیشن اور ڈی ای او یجوکیشن شیخ رفیق نے سکولوں کا دورہ کیا اور انتظامات کا جائزہ لیا۔