لاہور(نیٹ نیوز) سابق وزیراعظم عمران خان کی بہنیں نورین نیازی اور عظمیٰ خان زمان پارک پہنچ گئیں۔ زمان پارک کے باہر گفتگو کرتے ہوئے نورین نیازی نے کہا عمران خان کے ساتھ ہونے والے ظلم کو رب دیکھ رہاہے، اس ظلم کا بدلہ رب ان سے لے گا۔انہوں نے کہا حکومت نے منصوبہ بندی کے ساتھ عمران خان کوگرفتارکیا ہے، عمران خان نے ملک کیلئے جو کیاہے وہ قائداعظم کے بعدکسی نے نہیں کیا، نواز شریف اور دیگر پر بدعنوانی کے کیس تھے، عمران خان پر ملکی دولت لوٹنے کا کوئی کیس نہیں۔ عظمیٰ خان کا کہناتھا عمران خان کو اغوا کیا گیا ہے، عمران خان کو بغیر ورانٹ کے گرفتار کیا گیا، عوام کب تک گھروں میں بیٹھے گی باہر نکلے؟ عمران خان گرفتاری کیلئے ذہنی طور پر تیار تھے۔