پی سی بی کا غیر ملکی کوچز کے بعد غیر ملکی کیوریٹر کی تقرری کا فیصلہ 

 لاہور(سپورٹس رپورٹر ) پاکستان کرکٹ بورڈ نے غیر ملکی کیوریٹر کی تقرری کا فیصلہ کرلیا۔ذرائع کے مطابق پچز اور گرائونڈز کے معیار کو بہتر بنانے کیلئے غیر ملکی ماہر لانے کا فیصلہ کیا گیا ہے جس کے تحت انٹر نیشنل پچز ماہر کیساتھ جلد معاہدہ طے پاجائیگا۔ چیئرمین پی سی بی محسن نقوی کی خصوصی دلچسپی سے انٹر نیشنل  پچ ماہر لانے کا فیصلہ کیا گیا ہے۔ فیصلے کے تحت پی سی بی غیر ملکی کیوریٹر کی خدمات حاصل کرے گا اور چیمپئنز ٹرافی سے قبل کیوریٹر پچز کے بہتر معیار کو یقینی بنائیگا جبکہ انٹر نیشنل کیوریٹر کی ذمہ داری مقامی کیوریٹرز کو تیار کرنا بھی ہوگی۔واضح رہے کہ پاکستان کرکٹ بورڈ نے چیف کیوریٹر کی تلاش کے لیے اشتہار دیا تھا تاہم اب بتایا جارہا ہے کہ غیر ملکی کوچز کے بعد پچ ایکسپرٹ بھی غیر ملکی ہوگا۔