اصل ہدف ورلڈ کپ میں اچھے برانڈ کی کرکٹ کھیلنا ہے: اظہر محمود

لاہور(سپورٹس رپورٹر)پاکستان کرکٹ ٹیم کے قائم مقام ہیڈ کوچ اظہر محمود نے کہا ہے کہ ہمارا اصل ہدف ورلڈ کپ میں اچھے برانڈ کی کرکٹ کھیلنا ہے۔ ٹریننگ سیشن کافی اچھا رہا، ہلکی پھلکی ٹریننگ کی کیونکہ اگلے دن میچ کھیل رہے ہیں۔لاہور میں کافی محنت کی تھی، آج اس کو ٹاپ اپ کیا ہے، تمام پلیئرز کا مورال بلند ہے۔ آئرلینڈ کو اپنی کنڈیشنز کا اندازہ ہے، آئرلینڈ کے پلیئرز کو کاؤنٹی کا بھی تجربہ ہے، اس کو کمزور حریف نہیں سمجھیں گے۔ ہمیں اپنی سٹرینتھ پر پورا بھروسہ ہے، ہمیں اپنے کامبی نیشن کا پتہ ہے، معلوم ہے کہ ہمارے اوپنر کون ہونگے۔ ہمیں پاور پلے اچھا کھیلنا ضروری ہے، پلیئرز نے اس کی پریکٹس کی ہے۔ مڈل اوورز کی تیاری کی ہے، اب اس تیاری پر عملدرآمد کا وقت ہے۔ ہمارے بائولرز کافی اچھے ردھم میں ہیں، نیٹس پر بائولرز نے اچھی بائولنگ کی ہے۔