قصور (نمائندہ نوائے وقت) گھریلو جھگڑے سے تنگ 2 افراد کی خودکشی کی کوشش۔ قصور بنگلہ کمبوواں کے رہائشی 35 سالہ بھولہ نے گھریلو لڑائی جھگڑے سے تنگ آکر گھر میں پڑی گندم میں رکھنے والی زہریلی گولیاں کھا لیں ۔ ریسکیو 1122 نے مریض کو طبی امداد کے بعد ہسپتال قصور منتقل کردیا۔ علاوہ ازیں گھریلو حالات سے دلبرداشتہ دیپالپور کا رہائشی 22 سالہ فدا جمبر پل پر نہر چھلانگ لگا کر خودکشی کرنے کی کوشش میں مصروف تھاکہ ریسکیو 1122کے عملے کو دیکھتے ہی اس نے نہر میں چھلانگ لگا دی۔