کامونکی:مختلف واقعات میں  3 لڑکیاں،ایک لڑکا اغواء 

کامونکی(نمائندہ خصوصی)مختلف واقعات میں تین لڑکیوں اورایک لڑکے کو اغواء کرلیا گیا،بتایا گیا ہے کہ گوجرانوالہ کی نصرت بی بی کا بارہ سالہ بیٹا چندنیاں کے قریب مدرسہ سے باہر گیا تو نامعلوم افراد اْسے اغواء کرکے لے گئے۔عبداللہ روڈ کی کوثر اقبال کی بیٹی 16 سالہ رخسار بی بی سلائی سنٹر جارہی تھی کہ محلہ دارمحمد رمضان اور اْسکے تین ساتھی زبردستی اس کو اغواء کرکے لے گئے،ٹبہ محمد نگر کے شمشاد کی بارہ سالہ بیٹی نور فاطمہ کو حمزہ،سلیم اور دو نامعلوم افراد دس لاکھ روپے نقدی سمیت گھر سے اغواء کرکے لے گئے ۔جبکہ محلہ اسلام آباد کی شبانہ کوثر کی سولہ سالہ بیٹی حبہ فاطمہ کو بھی گھر سے نامعلوم افراد اغواء کرکے لے گئے۔پولیس نے مقدمات درج کرلیے ۔