کچے میں ڈاکوئوں کا گھر پر راکٹ لانچر سے حملہ، 3 افراد جاں بحق، 6 زخمی 

کشمور (این این آئی)ضلع کشمور میں کچے کے علاقے گیہل پور میں ڈاکوؤں نے گھر پر راکٹ لانچر سے حملہ کر دیا، جس کے نتیجے میں 2 بھائی اور چچا سمیت 3 افراد جاں بحق جبکہ ایک خاتون سمیت 6 افراد زخمی ہوئے۔پولیس نے بتایا کہ کشمور میں کچے کے علاقے گیہل پور میں ڈاکوؤں نے گھر پر لانچر سے حملہ کیا۔ پولیس کے مطابق گھر میں موجود 2 بھائی اور چچا سمیت 3 افراد جاں بحق اور خاتون سمیت 6 افراد زخمی ہوئے، جنہیں ہسپتال منتقل کر دیا گیا۔ پولیس نے بتایا کہ نعشیں پوسٹ مارٹم کے لیے ہسپتال منتقل کر دیں۔