لاہور‘نارنگ منڈی(نمائندہ نوائے وقت‘نامہ نگار)2حادثات میں 4افراد جاں بحق اور 7زخمی ہوگئے ۔ماڈل ٹاؤن بھابڑہ سٹاپ کے قریب ٹریفک حادثے میں دو افراد جاں بحق جبکہ 6 افراد زخمی ہو گئے ہیں۔ حادثہ موٹر سائیکل رکشہ اور ڈمپر کے درمیان تیز رفتاری کے باعث پیش آیا۔ مرنے والے دونوں افراد کی عمریں 22 سے 25 سال کے درمیان بتائی جاتی ہیں۔نارووال نارنگ مریدکے روڈپرواقع گائوں کرتو کے قریب بس اور پک اپ کے درمیان خوفناک تصادم دو افراد جاں بحق اور ایک شدید زخمی ہوگیا۔ریسکیو 1122 کی امدادی ٹیم نے نعشیں پولیس کے حوالے کردیںجبکہ زخمی کو دیہی مرکز صحت نارنگ منتقل کردیاگیا نارنگ سے فیصل آباد جانے والی بس سامنے سے آنے والی پک اپ سے ٹکرا گئی جس میں تین افراد سوار تھے ۔ خلیل اور قدوس موقع پر دم توڑ گے۔ تینوں آپس میں رشتے دار اور جہلم کے رہائشی تھے۔حادثہ تیز رفتاری کے باعث پیش آیا۔