واشنگٹن (نوائے وقت رپورٹ) ووٹرز کو جذباتی کرنے والے اوباما الیکشن ٹیم کی تعریف کرتے کرتے خود جذباتی ہو گئے اور رو پڑے، الیکشن مہم میں سخت سردی کے باوجود حصہ لینے پر نوجوانوں کا شکریہ ادا کرتے ہوئے ان کی آنکھیں بھر آئیں، نوجوانوں نے تالیاں بجا کر اوباما کی خوب حوصلہ افزائی کی۔ اوباما نے آنسو صاف کرتے ہوئے کہا کہ انہیں نوجوانوں کے نام پر فخر ہے، نوجوانوں نے وہ کام دکھایا ہے جو قابل ستائش ہے۔