یابابا فرید الدینؒ!

بے مثل تری صورت ، یا بابا فریدالدیںؒ!
در تیرا درِ جنت ، یا بابا فریدالدیںؒ!
یہ دبدبہ ، یہ حشمت ، یا بابا فریدالدیںؒ!
اک چشمِ عنایت سے ہوں دور الم سارے
کٹ جائے شبِ فرقت ، یا بابا فریدالدیںؒ!
سب لطف نبی کا ہے ، فیضانِ صحابہؓ ہے
اس درجہ تری شہرت ، یا بابا فریدالدیںؒ!
رحمت کی تجلی کا مظہر ہے ترا پیکر
ہے جس پہ فدا خلقت ، یا بابا فریدالدیںؒ!
تم چاہو تو کھل جائیں آنکھیں مرے وجداں کی
رتبہ تیرا عبدیت ، یا بابا فریدالدیںؒ!
بے ساختہ آتا ہے جب نام ترا لب پر
ٹلتی ہے معاً آفت ، یا بابا فریدالدیںؒ!
ہے رنگِ نبی اس میں ، ہے رنگِ علیؓ اس میں
جو تجھ کو ملی رنگت ، یا بابا فریدالدیںؒ!
اللہ کرے پائیں ہم تیرے توسل سے
دارین میں عافیّت ، یا بابا فریدالدیںؒ!
تم بانٹتے ہو شاہی ، شاہد ہیں نظر والے
حاصل ہے تمہیں قدرت ، یا بابا فریدالدیںؒ!
نازاں ہے معین© اپنی اس خوبی¿ قسمت پر
ہے خوب تری نسبت ، یا بابا فریدالدیںؒ!
 پیر سید غلام معین الحق گیلانی گولڑہ شریف