کلام اقبال سنا کر دلی سکون ملتا ہے : عدیل برکی

لاہور (کلچرل رپورٹر) معروف گلوکار عدیل برکی امریکہ کے دورے کے بعد وطن واپس آ گئے۔ امریکہ میں انہوں نے ہوسٹن، ایلے اور مین ہٹن میں مختلف شوز میں اپنے فن کا مظاہرہ کیا اور وہاں امریکی اور پاکستانی شائقین سے داد وصول کی۔ انہوں نے کہا کہ میں نے وطن واپس پہنچ کر یوم اقبال کے حوالے سے منعقدہ تقریبات میں کلام اقبال سنایا جو لوگوں نے بہت پسند کیا۔ انہوں نے کہا کہ کلام اقبال گا کر مجھے بہت روحانی سکون ملتا ہے۔ عدیل برکی نے کہا کہ میرا نیا البم بھی تقریباً مکمل ہے جو بہت جلد ریلیز کر دیا جائیگا۔