لاہور (نیٹ نیوز) امریکی صدارتی انتخابات میں ڈونلڈ ٹرمپ کی جیت پر عالمی شہرت یافتہ کھلاڑیوں نے حیرت کا اظہار کیا ہے۔ ٹینس سٹار مارٹینا نیورا ٹیلوا نے غصے کا اظہار کرتے ہوئے کہا کہ امریکی نسل پرست ہیں تاہم وہ اتنے زیادہ نسل پرست ہونگے سوچ بھی نہیں سکتی تھی۔ امریکی جنسیت پرست ہیں ہمیں شرم آنی چاہیے۔ عمران خان کا کہنا تھا کہ پاکستانی عوام کو دوسرے ممالک کے انتخابات سے پریشان ہونے کی ضرورت نہیں ہمیں اپنے گھر کو سدھارنے کی ضرورت ہے۔ آسٹریلین لیجنڈ شین وارن کا کہنا تھا کہ لوگوں نے کلنٹن مخالف ووٹ دیئے۔ ہلیری پر اعتماد نہیں کرتے۔ انگلینڈ کے سابق کرکٹر گریم سوان کا کہنا ہے کہ ٹرمپ کی جیت غیر یقینی تھی۔ ان کے مخالفین کو مریخ پر چلے جانا چاہیے۔ سابق ٹینس کوچ براڈ گلبرٹ کا کہنا تھا کہ کبھی تصور بھی نہیں کر سکتا تھا کہ ڈونلڈ ٹرمپ جیت سکتے ہیں۔