یوٹیلٹی سٹورز کارپوریشن نے دالوں کی قیمتوں میں مزید 10 سے 15 فیصدکمی کا اعلان کر دیا

اسلام آباد(آن لائن) یوٹیلیٹی سٹورز کارپوریشن نے دالوں کی قیمتوں میں مزید 10سے15فیصد کمی کا اعلان کر دیا ہے۔ جاری نوٹیفکیشن کے مطابق دال مونگ دھلی، دال ماش دھلی، دال مسور ، مونگ چھلکا، ماش ثابت، ماش چھلکا کی قیمتوں میں 2روپے سے15 روپے تک کی کمی کی گئی ہے دال مونگ دھلی کی قیمت 130روپے فی کلو سے 120روپے، دال ماش دھلی ہوئی کی قیمت 245روپے فی کلو سے 230روپے فی کلو، دال مسور فی کلو 142روپے سے 140روپے، ثابت مسور 135روپے فی کلو سے 130روپے فی کلو، مونگ چھلکہ 150روپے سے145روپے فی کلو، ماش ثابت 230روپے فی کلو 225روپے، جبکہ ماش چھلکہ 270روپے سے 265روپے فی کلو ہو گئی ہے۔اسکے علاوہ دال چنا، سفید چنا،اور کالا چنا ، چینی، یوٹیلیٹی گھی اور کوکنگ آئل بھی سبسڈائزڈ ریٹ پر دستیاب ہےکارپوریشن کے ترجمان واجد علی خان کے مطابق کارپوریشن کے تمام سٹورز پر اعلی کوالٹی کی اشیاءخوردونوش وافر مقدار میں دستیا ب ہے اور کسی قسم کی کوئی کمی نہیں۔
دالیں قیمتیں