ایف بی آر میں تقرریاں و تبادلے

لاہور (خبر نگار) ایف بی آر نے کسٹم سروس کے سید فیصل سعید بخاری کو گریڈ 18 میں ترقی دے دی ہے اور اس بارے نوٹیفکیشن جاری کردیا گیا ہے۔ علاوہ ازیں گریڈ 19 کی کسٹم سروس کی افسر ثمینہ تسلیم زہرہ نے ڈائریکٹر کسٹم انٹیلی جنس کراچی (انفورسمنٹ) کی ذمہ داریاں سنبھال لی ہیں۔ دریں اثناء کسٹم انٹیلی جنس لاہور کے سینئر انٹیلی جنس افسر طارق محمود اور سپرنٹنڈنٹ کسٹم سید صابر اشرف کی مدت ملازمت ختم ہونے پر ان کی ریٹائرمنٹ کے نوٹیفکیشن جاری کردیئے ہیں۔