برطانیہ میں پہلی بار آفیشل فٹ بال میچ میں ویڈیو ریفرل سسٹم استعمال ہوگا

لندن (اے پی پی) انگلینڈ اور جرمنی کے مابین (آج) جمعہ کو دوستانہ فٹ بال میچ میں ویڈیو ریفرئنگ سسٹم (وی اے آر) استعمال کیا جائے گا۔ گزشتہ برس انٹرنیشنل فٹ بال ایسوسی ایشن بورڈ نے دو برس کیلئے آزمائشی استعمال کی اجازت دی تھی۔ (آج) جمعہ کو پہلی بار برطانیہ میں کسی آفیشل میچ میں اسے آزمایا جائے گا، ویمبلے کپ چیریٹی میچ میں گزشتہ ماہ ریفرئنگ سسٹم کا کامیاب استعمال کیا جا چکا ہے، فیفا نے آئندہ برس روس میں شیڈول عالمی کپ میں اس سسٹم کے نفاذ کا ابھی فیصلہ نہیں کیا۔