.آرمی چیف سے امریکی سفیر کی ملاقات‘ باہمی دلچسپی کے امور‘ افغانستان میں امن پر گفتگو

۔راولپنڈی (ایجنسیاں) پاک فوج کے سربراہ جنرل قمر جاوید باجوہ سے جی ایچ کیو میں امریکی سفیر ڈیوڈ ہیل نے ملاقات کی اس دوران باہمی دلچسپی کے امور پر تبادلہ خیال کیا گیا۔ ترجمان پاک فوج کے مطابق ملاقات میں باہمی دلچسپی کے امور پر تبادلہ خیال کیا گیا۔ علاوہ ازیں اردن کی ایئرفورس کے رائل کمانڈر میجر جنرل یوسف احمد الحنیتی نے بھی جی ایچ کیو میں آرمی چیف سے ملاقات کی اس موقع ہر دفاعی امور پر تفصیلی تبادلہ خیال کیا گیا رائل کمانڈر نے دہشت گردی کیخلاف جنگ میں پاک فوج کے کردارکو سراہا۔ انہوں نے کہا دہشت گردی کے خلاف جنگ میں پاکستان کا کردار قابل ستائش ہے۔ نجی ٹی وی کے مطابق پاک فوج کے سپہ سالار جنرل قمر جاوید باجوہ سے ملاقات میں امریکی سفیر ڈیوڈ ہیل نے افغانستان میں امن و امان کی صورتحال اور دیگر سکیورٹی معاملات سمیت باہمی دلچسپی کے تمام امور پر بات چیت کی۔