شاہد ہ لطیف کی غزلوں کا مجموعہ ’’خواب سونے نہیں دیتے‘‘ شائع ہوگیا

لاہور (پ ر) اسلام آباد میں مقیم نامور شاعر، ادیبہ اور صحافی شاہدہ لطیف(پرائڈ آف پرمارمنس) کی غزلوں کا مجموعہ’’ خواب سونے نہیں دیتے‘‘ شائع ہوگیا شعری مجموعے کو لاہور کے معروف اور بڑے اشاعتی ادارے’’ماورا پبلشرز‘‘ (60دی مال لاہور) نے انتہائی دیدہ زیب انداز میں شائع کیا ہے۔ کتاب کا سرورق بین الاقوامی شہرت کے حامل مصور اور خطاط اسلم کمال نے بنایا ہے۔ دیباچہ بعنوان ’’انا کی شاعرہ۔ شاہد ہ لطیف‘‘ خالد شریف کا تحریر کردہ ہے۔ جو ممتاز شاعر اور کتاب کے ناشر ہیں ’’خواب سونے نہیں دیتے‘‘ شاہد ہ لطیف کی ایک حمد باری تعالیٰ اور ایک سو پینتالیس غزلوں پر مشتمل کتاب ہے جس کے ہر صفحہ پر شاعرہ کی قادر الکلامی اور ریاضت کی مہر ثبت ہے۔