اسلام آباد (سپورٹس رپورٹر) پاکستان انٹر نیشنل سیریز بیڈمنٹن ٹورنامنٹ کے پہلے روز متعدد میچز کا فیصلہ ہو گیا۔ مین ڈرا میں سے 6 میچز پاکستانی کھلاڑیوں نے جیتے۔ انجم بشیر (پاکستان) نے احمد (مالدیپ) کو، الجلاد احمد (شام) نے ثوبان جمیل (پاکستان) کو، ڈک پٹ لی (ویتنام) نے حاشر بشیر (پاکستان) کو، یوسف رمضان (ترکی) نے عبدالرحمٰن (پاکستان) کو، شعیب ریاض (پاکستان) نے انعام اللہ فقیری (افغانستان) کو، اویس زاہد (پاکستان) نے انیس سیسلان (ترکی) کو، مراد علی (پاکستان) نے کوانگ ڈن تران (ویت نام) کو، عامر سعید (پاکستان) نے چن مارا ٹپ (کمبوڈیا) کو اور محمد مقیت طاہر (پاکستان) نے محمد رضوان (پاکستان) کوہرایا۔

جمعہ کو ٹورنامنٹ کے دوسرے روز کے میچز صبح 9 بجے سے دن 12 بجے تک اور پھر تین بجے سہ پہر سے سات بجے شام تک کھیلے جائیں گے۔