نیشنل گیمز‘سپورٹس بورڈ پنجاب کا 450رکنی دستہ پشاور پہنچ گیا

لاہور (نمائندہ سپورٹس ) 33ویں نیشنل گیمز 2019ء میں شرکت کیلئے سپورٹس بورڈ پنجاب کا450کھلاڑیوں اور آفیشلز پر مشتمل دستہ گزشتہ روزپشاورپہنچ گیا،پنجاب اولمپک ایسوسی ایشن کے صدر عامر جان اور ڈائریکٹر ایڈمن جاوید چوہان نے دستے کو نشترپارک سپورٹس کمپلیکس سے رخصت کیاتھا۔450رکنی دستہ ڈائریکٹر سپورٹس محمد حفیظ بھٹی اور پنجاب اولمپک ایسوسی ایشن کے جنرل سیکرٹری ادریس حیدر خواجہ کی قیادت میں رخصت ہوا،دستہ میں ڈویڑنل سپورٹس آفیسر منظر فرید شاہ،اسسٹنٹ ڈائریکٹر ریاض احمد اورملک ناصر بھی ساتھ تھے۔