پی ایس ایل: 150 غیرملکی کرکٹرز رضامند

لاہور(نمائندہ سپورٹس) پاکستان سپرلیگ 2020 کیلئے اب تک 150غیر ملکی کرکٹرز نے کھیلنے کی حامی بھرلی۔ کرکٹرز کی انٹرنیشنل مصروفیات کے باوجود پی سی بی کو یقین ہے کہ بڑے بڑے نام اس بار بھی پی ایس ایل کھیلنے ضرور آئیں گے۔کھلاڑیوں کے چناؤ کی تقریب 6 دسمبر کو لاہور میں ہوگی۔اے بی ڈی ویلیئرز اس بار پاکستان سپرلیگ کا حصہ نہیں ہوں گے، وہ پہلے ہی معذرت کرچکے ہیں۔پی سی بی نے پاکستان سپرلیگ 5 کے تمام میچز ملک میں کرانے کا اعلان کررکھاہے، جو ملتان، لاہور، کراچی اور راولپنڈی میں کھیلے جائیں گے۔