لوئردیر میں دوفریقوں کے درمیان فائرنگ سے ایک شخص جاں بحق ،دو زخمی

پشاور(اے پی پی)لوئردیرمیں دوفریقوں کے درمیان فائرنگ کے نتیجے میں ایک شخص جاں بحق جبکہ دوزخمی ہوگئے ۔تفصیلات کے مطابق تھانہ تیمرگرہ کی حدود میں دوفریقوں کے درمیان فائرنگ کاتبادلہ ہواجس کے نتیجے میں شاہ خالدسکنہ تیمرگرہ جاں بحق جبکہ اسامہ اورایوب نواز زخمی ہوگئے ۔ زخمیوں کو ڈسٹرکٹ ہیڈ کوارٹر ہسپتال تیمرگرہ منتقل کر دیا گیا ہے ۔پولیس نے رپورٹ درج کرکے مزیدتفتیش شروع کردی ہے۔