کینبرا (نیٹ نیوز) آسٹریلوی جنگلاتی علاقے میں لگی شدید آگ سے جھلس کر کم از کم 3 افراد ہلاک اور تیس سے زائد زخمی ہو گئے ہیں۔ اب تک یہ پھیلتی ہوئی آگ ڈیڑھ سو مکانوں کو خاکستر کر چکی ہے۔ آسٹریلیا کی سب سے گنجان آباد ریاست نیو ساؤتھ ویلز میں کم از کم ستر مختلف مقامات پر لگی ہوئی آگ کو بجھانے کیلئے حکام نے پندرہ سو فائر فائٹرز کو طلب کر رکھا ہے۔ ہلاک ہونے والوں میں 2 مرد اور ایک عورت شامل ہیں۔ فائر سروس کمشنر نے ہلاکتوں میں اضافے کا خدشہ ظاہر کیا ہے۔ فائر فائٹرز کے ساتھ ساتھ ریسکیو ورکرز ممکنہ ہلاک شدگان کی تلاش بھی جاری رکھے ہوئے ہیں۔