ملتان (سپورٹس ڈیسک) لاہور قلندر کے آسٹریلوی کرکٹر بین ڈنک کراچی پہنچ گئے۔ آسٹریلوی کرکٹر بین ڈنک سے قبل جنوبی افریقہ کے کھلاڑی ڈین ویلاس اور کیمرون ڈیلپورٹ، انگلینڈ کے فاسٹ بولر ثاقب محمود، روی بوپارا اور ویسٹ انڈیز کے چیڈوک والٹن کراچی پہنچے تھے۔
واضح رہے کہ کراچی پہنچنے والے کرکٹرز کے کورونا وائرس کے ٹیسٹ ہوں گے ، ایونٹ کے میچز 14، 15 اور 17 نومبر کو کھیلے جائیں گے۔ لاہور قلندرز اور کراچی کنگز منگل کو پریکٹس سیشن کریں گی۔