قصور (نمائندہ نوائے وقت) ٹریفک حادثہ میں ماں بیٹی جاں بحق جبکہ ایک شخص زخمی ہو گیا۔ سرحدی گائوں ٹھٹھی بخشے والے وقاص احمد موٹرسائیکل پر والدہ ،بہن خالدہ مشتاق کے ساتھ موٹرسائیکل پر گائوں سے قصور آرہے تھے کہ بہادر پورہ سٹاپ کے قریب تیز رفتاری کی وجہ سے گر گئے جس کے نتیجہ میں بشراں بی بی اور خالدہ مشتاق دونوں موقع پر ہی جاں بحق ہوگئیں۔ جبکہ وقاص احمد شدید زخمی ہو گیا۔ جسے ریسکیو کی امدادی ٹیم نے علاج کے لئے ڈسٹر کٹ ہسپتال قصور منتقل کر دیا ہے۔