لاہور(سپورٹس رپورٹر)لاہور قلندر کے بن ڈنک پی ایس ایل فائیو کے میچز میں شرکت کے لیے کراچی پہنچ گئے۔ آسٹریلوی کرکٹر نے لاہور میں کھَیلے گئے میچز میں جارحانہ بیٹنگ کی بدولت لاہور قلندر کو وننگ ٹریک پر لانے میں اہم کردار ادا کیا تھا۔ سمیت پٹیل کے بعد وہ دوسرے غیر ملکی کرکٹر ہیں جو کراچی پہنچے ہیں۔ڈیوڈ ویسا، ڈین ولاز اور تمیم اقبال کی آمد بھی جلد متوقع ہے۔ بن ڈنک کو اڑتالیس گھنٹوں کے قرنطینہ اور کوویڈ ٹیسٹنگ مرحلے کے بعد ٹریننگ سیشن میں شرکت کی اجازت ہوگی۔ دوسری جانب کرونا وائرس ٹیسٹ مثبت آنے کے باعث برطانوی بلے باز جیمز ونس کی پی ایس ایل 5 کے بقیہ میچز میں شرکت مشکوک ہوگئی ہے۔