کراچی (اسپورٹس رپورٹر )آل کراچی جمشید عمر انویٹیشن کرکٹ ٹورنامنٹ میں  لانڈھی فرینڈز سی سی اور نیو پیرا ماؤنٹ سی سی کی فتوحات۔ ٹی ایم سی کرکٹ گراونڈ پر کھیلے گئے پہلے میچ میں لانڈھی فرینڈز کرکٹ کلب نے نارتھ شائر کرکٹ کلب کو 107 رنز سے شکست دیدی ۔لانڈھی فرینڈز کرکٹ کلب نے پہلے بیٹنگ کرتے ہوئے  مقررہ 45 اوورز میں 9 وکٹوں پر 259 رنز اسکور کئے۔  جواب میں نارتھ شائر کرکٹ کلب کی پوری ٹیم38ویں اوورز میں 152 رنز بناکر آوٹ ہوگئی ۔ دوسرے میچ میں نیو پیرامائونٹ کرکٹ کلب نے لیٹ اسماعیل جعفر کرکٹ کلب کو آٹھ وکٹوں سے شکست دیدی۔ لیٹ اسماعیل جعفر کرکٹ کلب کی پوری ٹیم  191 رنز بناکر آوٹ ہوگئی جواب میں نیو پیرامائونٹ کرکٹ کلب نے محمود علی کی جارحانہ سینچری کی بدولت مطلوبہ ہدف 27ویں اوورز میں دو وکٹوں کے نقصان پر پورا کرلیا۔