قومی ٹیم نے سیمی فائنل میں غیر معمولی کھیل پیش کیا: رمیز راجہ 

لاہور(سپورٹس رپورٹر)انٹرنیشنل کرکٹ کونسل ٹی20 ورلڈ کپ 2022ءکے پہلے سیمی فائنل میں پاکستان ٹیم کی جیت پر چیئرمین پی سی بی رمیز راجہ اور سی ای او فیصل حسنین نے ردعمل دیا ہے۔رمیز راجہ نے کہا کہ گرین شرٹس نے سیمی فائنل جیت کر پورے پاکستان کو بہت زیادہ خوشی دی ہے۔انہوں نے کہا کہ ٹیم کی جیت نے پاکستان کو قابل فخر بنا دیا ہے، بابر اعظم اور پورا کوچنگ سٹاف تعریف کے قابل ہے۔چیئرمین پی سی بی نے مزید کہا کہ جس طرح ٹیم نے کم بیک کیا سب تعریف کے لائق ہیں، بابر اعظم، محمد حارث، محمد رضوان، شاہین آفریدی نے غیرمعمولی کھیل پیش کیا۔ پاکستان کرکٹ بورڈ کے سی ای او فیصل حسنین نے کہا کہ قومی ٹیم نے اپنی کارکردگی سے ثابت کیا کہ انہیں خود پر یقین ہے۔پاکستان ٹیم نے اپنی مہارت اور قوت کے مطابق کھیل کا مظاہرہ کیا، امید ہے فائنل میں اچھا پرفارم کر کے 13 سال بعد ٹی20 ورلڈکپ کا ٹائٹل جیتیں گے۔