اب تک حیران ہوں پاکستان  یہ کیسے کرلیتا ہے! ' این بشپ

ملتان (سپورٹس ڈیسک)اگر مگر کا شکار پاکستان کرکٹ ٹیم کے آئی سی سی ٹی ٹوئنٹی ورلڈکپ کے فائنل میں پہنچنے پر سابق ویسٹ انڈین کرکٹر این بشپ بھی حیران ہوگئے۔ پہلے سیمی فائنل کے بعد سوشل میڈیا پر بیان جاری کرتے ہوئے بشپ نے کہا کہ 'یہاں سڈنی میں رات کے 2 بج رہے ہیں اور اب تک حیران ہوں کہ پاکستان یہ کیسے کرلیتا ہے'۔ابتدائی دو میچز بھارت اور زمبابوے سے ہارنے کے بعد پاکستان ٹیم کا سیمی فائنل میں پہنچنا کافی مشکل دکھائی دے رہا تھا۔ لیکن پاکستان نے بہتر کارکردگی اور نیدر لینڈ کی شکست کے بعد سیمی فائنل کیلئے کوالیفائی کر لیا۔