کراچی(کامرس رپورٹر)ٹریڈ ڈیولپمنٹ اتھارٹی پاکستان(ٹڈاپ)ترکی کے شہر استنبول میں جون میںہونے والی آٹو موبل و ایسیسریز کی عالمی نمائش آٹو مکینکا استنبول میںشرکت کرے گی۔میسے فرینکفرٹ پاکستان کے نمائندہ عمر صلاح الدین کے مطابق آٹو مکینکا استنبول8سے 11جون 2023تک استنبول میںمنعقد ہوگی،ٹڈاپ اس نمائش میںپاکستان پویلین کا انعقاد بھی کرے گی۔ٹریڈڈیولپمنٹ اتھارٹی آف پاکستان رعایتی قیمتوں پر اس نمائش میں اسٹال فراہم کریگا جو کہ آٹو پارٹس، ٹائر اینڈ سسٹمز، گاڑی کی مرمت اور دیکھ بھال سے متعلق اشیائ، ٹرک اور لبریکنٹس جیسی مصنوعات کی برآمدات میں اضافے کا باعث بنے گا،ٹڈاپ کی سبسڈی کے بغیر ایک اسٹال کی قیمت 11  لاکھ روپے ہے جبکہ سبسڈی کے بعد ایک اسٹال کی قیمت 430,500  روپے ہے،نمائش میںشرکت کیلئے درخواستیں جمع کروانے کی آخری تاریخ 18  نومبر 2022   ہے۔