نیوزی لینڈ نے سری لنکا کو ہرادیا، پاکستان کو سیمی فائنل کیلئے 287رنز کے مارجن کی فتح درکار

لاہور(سپورٹس رپورٹر)ورلڈکپ کے 41 ویں میچ میں نیوزی لینڈ نے سری لنکا کو 5 وکٹوں سے شکست دے کر اپنا سیمی فائنل میں پہنچنے کا راستہ انتہائی آسان اور پاکستان کا بظاہر ناممکن کر دیا۔نیوزی لینڈ نے سری لنکا کا 172 رنز کا ہدف 23.2 اوورز میں حاصل کر کے 2 پوائنٹس حاصل کرلیے اور سیمی فائنل میں پہنچنے کی راہ ہموار کرلی۔نیوزی لینڈ اور سری لنکا کے درمیان میچ بنگلورو میں کھیلا گیا جہاں نیوزی لینڈ نے ٹاس جیت کر پہلے باﺅلنگ کرنے کا فیصلہ کیا۔سری لنکن ٹیم 46.4 اوورز میں 171 رنز بناکر آو¿ٹ ہوگئی، کوشل پریرا 51 رنز کیساتھ نمایاں رہے۔ دھننجایا ڈی سلوا 19اور انجیلو میتھیوز نے 16 رنز بنائے جبکہ اسالنکا 8 ، چامیکا کارونارتنے اور کوشل مینڈس نے 6 ،6 رنز اسکور کیے۔پاتھم نسانکا 2 ، دشمنتھا چمیرا اور سدیرا سمارا وکرما ایک ایک رن بناسکے۔ ٹرینٹ بولٹ نے 3 کھلاڑیوں کو آو¿ٹ کیا، لوکی فرگوسن،مچل سینٹنر اور ریچن رویندرا نے2 ،2وکٹیں حاصل کیں جبکہ ٹم ساو¿تھی نے ایک وکٹ لی۔سری لنکا کا 172 رنز کا ہدف نیوزی لینڈ نے 23.2 اوورز میں 5 وکٹوں پرحاصل کرلیا۔ڈیون کونوے 45 ، ڈیرل مچل43 ، ریچن رویندرا 42 رنز بناکر آو¿ٹ ہوئے، کپتان کین ولیمسن 14اور مارک چیپمین 4 رنز بناسکے۔ گلین فلپس 17 اور ٹام لیتھم 2 رنز بناکر ناقابل شکست رہے۔ ٹرینٹ بولٹ کو میچ کا بہترین کھلاڑی قرار دیا گیا۔نیوزی لینڈ کی اپنے آخری گروپ میچ میں سری لنکا کےخلاف جیت کے بعد کیویز کا سیمی فائنل میں پہنچنا انتہائی آسان ہوگیا۔آخری ٹیم کیلئے نیوزی لینڈ، پاکستان اور افغانستان کے درمیان مقابلہ ہے۔تینوں ٹیموں کو سیمی فائنل میں پہنچنے کیلئے اپنا آخری میچ جیتنا ضروری ہے وہیں رن ریٹ کا خیال بھی رکھنا ہے۔نیوزی لینڈ آخری گروپ میچ جیت کر 10 پوائنٹس کےساتھ پوائنٹس ٹیبل پر چوتھے نمبر پر آگیا ہے۔افغانستان کو آج جنوبی افریقہ اور پاکستان کو کل انگلینڈ کا سامنا کرنا ہے۔ گرین شرٹس اور افغان ٹیم کیلئے آخری میچ میں جیت کے باوجود رن ریٹ کی وجہ سے ناک آو¿ٹ مرحلے میں پہنچنا بظاہر ناممکن ہوگیا ہے۔پاکستان اور افغانستان 8،8 میچز کھیل کر 8 پوائنٹس کےساتھ پانچویں اور چھٹے نمبر پر موجود ہیں‘افغانستان سیمی فائنل کی دوڑ سے باہر ہوگیا ہے۔پاکستان ٹیم کو اگر سیمی فائنل میں پہنچنا ہے تو اسے انگلینڈ کو 287 رنز کے مارجن سے شکست دینا ہوگی۔پاکستان ٹیم انگلینڈ کے خلاف پہلے بیٹنگ کر کے300 رنز بنائے تو انگلینڈ کو صرف 13پر آو¿ٹ کرنا ہوگا۔ اگر انگلینڈ پہلے بیٹنگ کرے تو اس کو 50 رنز پر محدود کر کے 2.5 اوورز میں رنزبنانے ہونگے۔