یو بی جی نے ایف پی سی سی آئی الیکشن کیلئے تمام تیاریاں کرلی ہیں،زبیرطفیل

کراچی(کامرس رپورٹر)یونائیٹڈ بزنس گروپ(یو بی جی)کے صدر زبیرطفیل نے کہا ہے کہ یونائٹیڈ بزنس گروپ (یو بی جی)نے آئندہ ماہ 30دسمبر کو ہونے والے الیکشن کیلئے مکمل تیاریاں کرلی ہیں اور ہم اپنے ووٹرز سے مکمل رابطے میں ہیں،یو بی جی ہمیشہ بزنس کمیونٹی کے مسائل حکومت تک پہنچائے اور انہیں حل کرانے کیلئے ہرسطح تک گئے اور آئندہ بھی صدارتی منصب پر عاطف اکرام شیخ منتخب ہوکر کاروباری برادری کو پریشانی سے نجات دلانے کیلئے ہردروازہ تک جائیں گے۔انہوں نے ان خیالات کا اظہار کراچی میں یو بی جی (سندھ) کورکمیٹی کے اجلاس سے خطاب کرتے ہوئے کہی۔اس موقع پر یو بی جی سندھ زون کے چیئرمین خالدتواب، سیکریٹری جنرل (سندھ ریجن)حنیف گوہر اور دیگر نے بھی خطاب کیا ۔