لاہور(سپورٹس رپورٹر)پاکستان کے تیسرے کھلاڑی بابر مسیح بھی عالمی سنوکرچیمپین شپ سے باہر ہوگئے۔ قطرمیں جاری عالمی چیمپئن شپ کے پری کوارٹرفائنل میں قبرص کے مچل جارجیو نے بابر میسح کو 2-5 سے ہرادیا۔قبل ازیں دیگر دونوں قومی کیوئسٹ سابق عالمی چیمپئن محمد احسن رمضان اور محمد نسیم اختر ناک آوٹ مرحلے میں ناکام ہوگئے تھے۔دوسری جانب عالمی ٹیم سنوکر چیمپئن شپ کا آغاز ہوگیا، نسیم اختر اور احسن رمضان پر مشتمل پاکستان ون ٹیم نے گروپ ڈی میں اپنے پہلے میچ میں جرمنی کو 1-3 سے زیر کرلیا۔