نئی دہلی(اے پی پی)بھارت میں چلتی بس میں آتشزدگی سے 2افراد ہلاک اور 12زخمی ہوگئے ۔ چینی خبررساں ادارے کے مطابق ہریانہ کے ریاستی ترجمان نے میڈیاکو بتایا کہ دارالحکومت دہلی سے متصل ضلع گروگرام میں ایک ڈبل ڈیکر بس کو  اتر پردیش کے ضلع ہمیر پور جا تے ہوئے دہلی کے قریب آگ لگ گئی ،بس کو روک کر مسافروں کے انخلا تک 2مسافر ہلاک اور 12زخمی ہوگئے ۔انہوں نےبتایا کہ بس میں تقریبا 40 مزدور سوار تھے ،مقامی پولیس اور ریسکیو اہلکاروں نے ہلاک اور زخمی ہونے والوں کو قریبی ہسپتال میں منتقل کر دیا۔