شیخوپورہ (نمائندہ خصوصی) مرکزی انجمن تاجران کے صدر امجد نذیر بٹ نے کویت کی بزنس کمیونٹی کی طرف سے ان کے اعزاز میں تقریب میں شرکت کی ۔ کویت کی بزنس کمیونٹی کے عہدیداروں نے امجد نذیر بٹ کو یادگاری شیلڈ بھی پیش کی اس موقع پر خطاب کرتے امجد نذیر بٹ نے کہا کہ پاکستانی بزنس مین دنیا بھر میں اپنی کاروباری سرگرمیوں کے حوالے سے ممتاز اور نمایاں حیثیت رکھتے ہیں کیونکہ یہ نہ صرف دنیا میں صاف ستھرے اور بااعتماد کاروبار کے ضامن ہیں بلکہ بیرون ممالک میں اپنی محنت کی کمائی زد مبادلہ کی صورت میں پاکستان بھجواکر ملکی معیشت کی بحالی میں بھرپور حصہ ڈال رہے ہیں پاکستان کی عوام کو اپنے تمام اوورسیز بھائیوں پر بڑا فخر اور ناز ہے ، اس موقع پر امجد نذیر بٹ نے اعلان کیا کہ وہ کویت میں مقیم اوورسیز پاکستانیوں کے مطالبہ کو نہیں بھولے اور ان کی خواہش کا احترام کرتے آئندہ عام انتخابات میں سٹی شیخوپورہ سے صوبائی اسمبلی کی نشست پر الیکشن لڑیں گے۔