لاہور(سپورٹس رپورٹر)انٹرنیشنل ہاکی فیڈریشن کے رائزنگ سٹار کا ایوارڈ پاکستان کے سفیان خان نے جیت لیا۔ایف آئی ایچ کا سالانہ ایوارڈ گالا عمان کے شہر مسقط میں ہوا، جس میں پاکستان کے سفیان خان کو رائزنگ سٹار کا ایوارڈ دیا گیا۔ سفیان خان نے کہا یہ ایوارڈ پاکستان میں ہاکی کھیلنے والے تمام نوجوانوں کے نام کرتا ہوں۔ ملک میں ٹیلنٹ کی کوئی کمی نہیں، خواہش ہے کہ کھیل میں ملک کو ایک بار پھر عروج تک پہنچانے میں کردار ادا کروں۔