لاہور(سپورٹس رپورٹر)پاکستان سپورٹس بورڈ نے پاکستان فٹبال فیڈریشن کو سعودی عرب کیخلاف قطر میں ویمن فٹبال ٹیم کے فرینڈلی میچ کیلئے این او سی کے اجرا سے قبل ضروری دستاویزات جمع کرانے کی ہدایت کی ہے۔پی ایف ایف نے 7 نومبر کو این او سی کیلئے خط لکھا تھا لیکن اس میں مکمل تفصیلات شامل نہیں کی گئی تھیں۔ پی ایف ایف نے پی ایس بی کو بھیجے خط میں درخواست کی تھی کہ ٹائم لائن قوانین میں نرمی کرتے ہوئے جلد این او سی جاری کیا جائے، تاہم اس خط کے ساتھ پی ایف ایف نے پلیئرز کے نام اور دیگر ضروری تفصیلات فراہم نہیں کیں۔